Kryetari i komunës së Podujevës dhe nënkryetar i LDK-së, Agim Veliu, në një intervistë tha se nëse arrihet rrëzimi i qeverisë dhe mbahen zgjedhjet e reja, LDK-ja do të jetë e para, kjo sipas Veliut në bazë të sondazheve që janë bërë.
“Nëse zgjedhjet në Kosovë do të mbaheshin sot, LDK-ja do ishte e para. Disa sondazhe e kanë treguar këtë se ne do jemi partia më e fuqishme në vend”-u shpreh Veliu.
Ai tregon qëndrimin e LDK-së sa i përket koalicioneve parazgjedhore, ku tregon se LDK-ja nuk do të bëjë koalicion të gjerë parazgjedhor.
“Lidhja Demokratike ka vendosur së bashku me kryesinë e saj se në LDK nuk do të ketë koalicion të gjerë parazgjedhor”- konfirmoi Veliu.
