Deputetja e Lidhjes Demokratike të Kosovës, Vjosa Osmani, përmes një postimi në facebook, ka reaguar pas vrasjes së 14 vjeçarit aksidentalisht me armë nga axha i tij gjatë ditës së djeshme në Suharekë.
“Kur para disa muajsh debatuam në Kuvend për gjuajtjet me armë që u morën jetën shumë qytetarëve të pafajshëm, ‘burrat’ e pushtetit më akuzuan se po e dramatizoj situatën. Qëllimi i tyre ishte që debati të mbahej në nivel humoristik, dhe të mburren për këto tradita. Dje, edhe një fëmijë ra viktimë e këtij mentaliteti të stërkequr. Më poshtë, fjalimi im i mbajtur në Kuvend për gjuajtjen me armë. #FestomeZemërJOmeArmë”, ka shkruar Osmani, përcjellë “Bota sot”.