Zëvendëskryeministri dhe Ministri i Punëve të Jashtme, Behgjet Pacolli, ka uruar Milo Gjukanoviqin për fitoren e tij si President i Malit të Zi.
Pacolli përmes një statusi në Facebook, ka përgëzuar fqinjët dhe shpreson që do të ketë marrëdhënie të mira në mes të dyja vendeve.
Postimi i plotë:
Politikani pro-perëndimor Milo Gjukanoviç, i cili ishte në krye të politikës paqësore, fitoi zgjedhjet presidenciale.
Votimi i qytetarëve ishte zgjidhja më e mirë. Ne i përgëzojmë fqinjët tanë dhe shpresojmë për marrëdhënie edhe më të mira midis vendeve tona dhe përmirësim të mëtejshëm të pozitës së shqiptarëve në Mal të Zi.
Urime President!