Sot në Prishtinë është hapur panairi ndërkombëtar “Prishtina 2018”. Në këtë panair po marrin pjesë rreth 170 kompani, prej tyre 70 janë nga Serbia dhe vetëm një nga Shqipëria. Ndryshe dje Klubi i Prodhuesve të Kosovës u ka bërë thirrje bizneseve nga Kosova që ta bojkotojnë panairin me arsyetimin se iu është dhënë hapësirë e madhe bizneseve nga Serbia.
Lidhur me këtë, njohësi i ekonomisë Musafë Kadriaj, ka thënë për “Bota Sot” se marrëveshja e CEFTA-s e promovon konkurrencën e lirë dhe përmes panaireve krijohen njohje në mes bizneseve po ashtu edhe produktet ekspozohen qe te krijohen marrëveshje ne mes te bizneseve nga vende te rajonit.
“Për ekonominë e Kosovës është i mirëseardhur ky panair dhe kjo tregon që Kosova ka lëvizur përpara. Interesimi i bizneseve nga Serbia është për tu përshëndetur sepse kjo tregon që ekonomia nuk njeh ngarkesa politike dhe njeherit që bizneset nga shteti Serb po e pranojnë një realitet te ri. Ndërsa për mos interesimin e bizneseve nga shteti Shqiptar është problem i tyre dhe problemi duhet të kërkohet tek qeveria Shqiptare që çdo ditë e më shumë po tkurr bashkëpunimin tregtar me Kosovën duke vendos barriera dhe tani edhe më taksen në Rrugën e Kombit për kundër interesimit të Kosovës dhe bizneseve kosovare për bashkëpunim tregtar” ka thënë njohësi i ekonomisë, Mustafë Kadriaj.
