Hapet Panairi i Edukimit

Aktuale

Hapet Panairi i Edukimit

Më: 19 prill 2018 Në ora: 13:34
Ministri i Arsimit, Shkencës dhe Teknologjisë, Shyqiri Bytyqi

Ministri i Arsimit, Shkencës dhe Teknologjisë, Shyqiri Bytyqi ka hapur sot edicionin e 12 të Panairit të Edukimit, të cilit këtë vit i është shtuar edhe pjesa e turizmit dhe sportit dhe do të jetë i hapur për vizitorë gjatë datave 19 dhe 20 prill.

Në ceremoninë solemne të këtij panairi që po mbahet në sallën “1 Tetori” në Prishtinë, nën përkujdesjen e Ministrisë së Arsimit, ministri Bytyqi e vlerësoi këtë si një ditë të madhe, për fatin se po vazhdohet tradita e një panairi informues për edukimin në Kosovë.

“Ky panair do të shërbejë që të rinjtë tanë t’i kenë informatat me kohë. Të rinjtë tanë është e nevojshme të kenë informacione për këto shkolla, që të kenë informacione për orientimin në karrierë, pasi vërtet kemi nevojë që ata të orientohen drejt tregut dhe pas shkollimit ta kenë më të lehtë të punësohen”, tha ministri Bytyqi. 

Ai, po ashtu theksoi nevojën e informimit të vazhdueshëm dhe vetëdijesimin e përgjithshëm për një edukim sa më të përafërt me vendet tjera të zhvilluara.

Në këtë ceremoni, pjesëmarrësit i ka përshëndetur zëvendësministri i Ministrisë së Turizmit të Malit të Zi, Qazim Hoxhiq, i cili ndër të tjera, falënderoi të gjithë ata që zgjedhin Ulqinin për të kaluar pushimet, ndërsa tha se këtë vit në Mal të Zi janë planifikuar rreth 3 milionë euro investime në turizëm.

commentFirst article
Sot mund të lexoni Shfletoni kopertinat