Enver Dugolli ka treguar momentin e ndarjes me Ukshin Hotin në Burgun e Dubravës
Enver Dugolli ende e ka në kujtesë momentin e fundit të ndarjes me Ukshin Hotin, raporton Frontal.
Para 19 vjetësh të dytë po vuanin dënimin në Burgun e Dubravës.
Dugolli është liruar nga burgu por kurrë nuk e takoi më profesorin e tij.
Që nga viti 1999 ende nuk ka asnjë informacion se ku gjendet Ukshin Hoti.
E për këtë, Dugolli e lë fajtor drejtorin e burgut të Mitrovicës së Sremit.
Që nga koha kur ishte transferuar në burgun e Mitrovicës së Sremit, Dugolli dhe shume të burgosur tjerë ishin bërë dëshmitarë të torturave që përjetonte Ukshin Hoti.
Dugolli thotë se një veprim I munguar në 99 do ta ndryshonte situatën.
Mirëpo, një gjë e tillë nuk ka ndodhur dhe tash 19 vite, emri i Ukshin Hotit është në listat e personave të zhdukur gjatë luftës së fundit në Kosovë.
I lindur në Krushë të Madhe të Rahovecit, Ukshin Hoti ishte veprimtar i shquar i çështjes kombëtare fati I të cilit edne nuk është zbardhur.