Kryeministri i Kosovës Ramush Haradinaj është takuar sot me një grup gazetarësh që përcjellin punën e Organizatës së Kombeve të Bashkuara.
Të njëjtit janë duke qëndruar në Kosovë tash e sa ditë.
Haradinaj në rrjetin social Facebook ka njoftuar për bashkëbisedim me gazetarët duke thënë se focus I Qeverisë është zhvillimi i demokracisë përmes sundimit të ligjit.
Postimi i Haradinajt:
Në një bashkëbisedim të hapur me gazetarët e mediave prestigjioze ndërkombëtare në New York, që përcjellin punën e OKB-së dhe zhvillimet globale, zbërtheva rrethanat politike në vend dhe rrugën tonë të pashmangshme euro-atlantike. Fokus i Qeverisë së Kosovës është zhvillimi i demokracisë përmes sundimit të ligjit dhe ekonomisë prosperuese.
