Hoxhaj takohet nesër me Sekretarin amerikan të mbrojtjes, Mattis - Bota Sot
Hoxhaj takohet nesër me Sekretarin amerikan të mbrojtjes, Mattis

Aktuale

E hënë, 19 nëntor 2018

Hoxhaj takohet nesër me Sekretarin amerikan të mbrojtjes, Mattis

Më: 12 korrik 2018 Në ora: 20:30
Enver Hoxhaj

Sekretari amerikan i mbrojtjes, Mattis për herë të parë viziton Ballkanin.

Pas përfundimit të Samitit të NATO-së në Bruksel, Sekretari amerikan i mbrojtjes, James Mattis do të udhëtoj nesër në Zagreb për të takuar përfaqësuesit e shteteve të Ballkanit Perëndimor në kuadër të takimit të Kartës së Adriatikut me SHBA.

Pas ftesës së NATO-së për të nisur negociatat me Maqedoninë, SHBA-ja dëshiron të jap një mesazh të posaçëm përkrahës për vendet e Ballkanit.

Sipas komunikatës së Departamentit të Shtetit, vizita e Sekretarit Mattis është e para në rajon dhe do të takohet me ministrat e mbrojtjes së shteteve Kroaci, Shqipëri, Maqedoni, Mali i Zi, Kosovë, Bosnjë dhe Serbi.

Në takimin ku marrin pjesë ministrat e mbrojtjes, Kosova do të përfaqesohet nga Zëvendëskryeministri Hoxhaj si udhëheqes i delegacionit por do të shoqërohet edhe nga ministri i FSK, Rrustem Berisha.

Ky është takimi i parë i këtij niveli të lartë që mbahet me Sekretarin Mattis.

Sot mund të lexoni Shfletoni kopertinat
Sondazh
test