Ministri Gashi zbaton urdhërin e Haradinajt për mërgimtarët

Aktuale

Ministri Gashi zbaton urdhërin e Haradinajt për mërgimtarët

Më: 17 korrik 2018 Në ora: 22:21
Merdare

Ministri i Punëve të Brendshme, Bejtush Gashi, ka zbatuar urdhërin e dhënë nga Kryeministri Ramush Haradinaj për masat lehtësuese të procedurës së udhëtimit në pikat kufitare.

Përmes llogarisë së tij në facebook, Gashi deklaron se Policia Kufitare do të reduktojë në minimum procedurat e përditshme për bashkatdhetarët, ndërsa ka përmenduar dhe shtimin e numrit të zyrtarëve policorë kufitarë, siç ka kërkuar sot Kryeministri Haradinaj.

”Me qëllim të përshpejtimit të procedurave në vendkalimet kufitare, Ministria e Punëve të Brendshme përmes Policisë Kufitare do të zbatoj masa lehtësuese të kontrollimit të dokumenteve.

Policia Kufitare do të reduktoj në minimum procedurat e përditshme të kontrollit të kalimit kufitar për bashkëatdhetarët tanë, varësisht nga nevoja do të rritet numri i zyrtarëve policor kufitar, do të vendosen pika shtesë të kontrollit si dhe do të merren masa tjera në mënyrë që të lehtësohen procedurat dhe pritjet e paarsyeshme të bashkatdhetarëve tanë në kufi, veçanërisht në pikat kufitare Dheu i Bardhë, Morinë dhe Merdare si pika kufitare më të frekuentuara gjatë sezonit veror”.

commentFirst article
Sot mund të lexoni Shfletoni kopertinat