Nëse pjesa veriore e Trepçës i mbetet Serbisë, siç po kërkon Aleksandër Vuçiq, kjo do të jetë një humbje e madhe për gjigantin minerar, por edhe për gjithë Kosovën.
Miftar Hyseni, që aktualisht e ushtron detyrën e menaxherit të kësaj ndërmarrjeje, thotë se matanë Ibrit, gjenden pasuri nëntokësore por edhe përpunuese.
Hyseni pranon se ka edhe shumë telashe komunikimi mes dy pjesëve të ndërmarrjes. Madje, pohon se ai është ndërprerë nga momenti kur me ligj, Trepça ka kaluar në shoqëri aksionare.