Opinionisti dhe njohësi i mirë i politikës në Kosovë, Agron Halitaj, thotë se një popull i qytetëruar nuk pranon të shkruhet në histori e trilluar nga profiterët analfabetë.
Ai thotë se, falsifikatorët dhe mashtruesit një ditë do të pyeten nga nipat dhe mbesat e tyre për UÇK-në, ndërsa ata do të kolliten duke u përpiqur të ndërrojnë temë.
Sipas tij, ata s’kanë çka thonë, pasi nuk kanë fytyrë.
“Një popull i qytetëruar nuk pranon t’i shkruhet një histori e trilluar dhe e diktuar nga një grup profiterësh analfabetë.
Falsifikatorët e mashtruesit duhet ta kenë parasysh se një ditë, afër gjunjëve do t’u ulen nipat e mbesat dhe do t’i pyesin për UÇK-në.
Atëherë, siç do të thoshte gjenerali amerikan, George Patton, ata do të fillojnë të kolliten e të përpiqen të ndërrojnë temë.
S’kanë çka u thonë, sepse nuk kanë fytyrë”, shkruan Halitaj në facebook.