Vlerësohet kontributi i Finlandës në arsimin e Kosovës

Aktuale

Vlerësohet kontributi i Finlandës në arsimin e Kosovës

Më: 17 shtator 2018 Në ora: 13:24
Shyqiri Bytyqi në takim ambasadoren e Finlandës në Kosovë, Pia Stjernvall

Ministri i Arsimit, Shkencës dhe Teknologjisë, Shyqiri Bytyqi, ka pritur sot në takim ambasadoren e Finlandës në Kosovë, Pia Stjernvall, me të cilën bisedoi për mundësitë e thellimit të bashkëpunimit në sektorin e arsimit.

Ministri Bytyqi ka falënderuar ambasadoren Stjernvall për mbështetjen që Finlanda i ka bërë zhvillimit të arsimit në Kosovë, ndërsa theksoi se kontributi i Finlandës si vendi me arsimin më të përparuar në botë është i veçantë në aspektin e mbështetjes profesionale në zhvillimin e reformave të arsimit dhe hartimin e kurrikulës së re të Kosovës.

Ambasdorja Stjernvall dhe ministri Bytyqi biseduan edhe për mundësinë e fillimit të një fushate në disa shkolla të Kosovës, ku do të bashkëbisedohet me nxënës të klasave I dhe IX lidhur me rëndësinë e ruajtjes së ambientit, ku dhe do të ndaheshin pako materialesh nga praktikat finlandeze për këtë qëllim.

Ministri Bytyqi e informoi Ambasadoren se MAShT ka angazhuar të gjitha institucionet arsimore në nivel vendi që t’i bashkohen fushatës për ruajtjen e ambientit dhe ka kërkuar nga mësimdhënësit që të flasin sa më shumë me nxënësit për këtë temë.

Gjithashtu, ministri Bytyqi tha se edhe në kurrikulën e re, në hartimin e së cilës morën pjesë ekspertë nga Finlanda, i është kushtuar rëndësi e veçantë çështjes së ambientit. 

Sot mund të lexoni Shfletoni kopertinat