EULEX-i e nderon Audrius Senaviciusin, kërkon nga autoritetet e Kosovës t’i vazhdojnë hetimet

Aktuale

EULEX-i e nderon Audrius Senaviciusin, kërkon nga autoritetet e Kosovës t’i vazhdojnë hetimet

Më: 19 shtator 2018 Në ora: 10:46
Audrius Senaviciusin

Pesë vite më parë, Audrius Senavi?ius e humbi jetën e tij deri sa po shërbente si doganier i EULEX-it. Audriusi u vra si pasojë e të shtënave me armë gjatë kohës kur ai me kolegët e tij po shkonin me makinë në pikën doganore në veri të Kosovës për ta filluar ndërrimin e tyre të punës.

Shefja e EULEX-it, Alexandra Papadopoulou tha se sot po nderojnë kolegun Audrius Šenavi?ius, i cili u vra tragjikisht në krye të detyrës.

“Audriusi e sakrifikoi jetën e tij në shërbim të vlerave dhe parimeve më të larta, duke kontribuar me përkushtimin, profesionalizmin dhe eksperiencën e tij për ta përmirësuar jetën e qytetarëve të Kosovës”, tha ajo.

“Sakrifica sublime e Audriusit duhet të kujtohet përgjithmonë. Mendjet tona janë me familjen dhe miqtë e tij si dhe me autoritetet e Lituanisë, të cilët me pikëllim e dhimbje ende presin që kryerësit e vrasjes së Audriusit të sillen përpara drejtësisë. Tani kur EULEX-i do t’ia dorëzojë gjyqësorit të Kosovës rastin e vrasjes së Audriusit  si pjesë e ndërprerjes së funksioneve ekzekutive të tij në sistemin e drejtësisë së vendit, unë i bëj thirrje autoriteteve të Kosovës që t’i vazhdojnë pareshtur hetimet për këtë krim të neveritshëm” theksoi. Papadopoulou.

Zëvendës-shefi i Misionit, Bernd Thran, i shoqëruar nga një përfaqësues i komunës së Zveçanit, ka  shkuar në vendin ku Audriusi vdiq tragjikisht për ta vendosur një kurorë me lule në kujtim të tij.

commentFirst article
Sot mund të lexoni Shfletoni kopertinat