Presidenti i vendit Hashim Thaçi shpreson se do të takojë në Uashington presidentin amerikan Donald Trump për të diskutuar ndarjen e vendit.
Komentet i bëri gjatë një interviste në televizionin publik të Kosovës.
Thaçi i cili do të udhëtoj për SHBA thotë se nëse do të ketë rastin të takojë të parin e Shtëpisë së Bardhë' do t'i flasë për korrigjimin e kufirit.
“Shpresoj që po. Por nëse do të takohem një nga çështjet do të jetë dialogu me Serbinë, negociatat dhe mundësia e arritjes së një marrëveshje dhe mbështetja edhe e presidentit personalisht për mundësinë e bashkëngjitjes së Preshevës, Medvegjës e Bujanocit me Kosovën dhe arritjes së marrëveshjes paqësore duke nënkuptuar edhe njohjen reciproke pra edhe korrigjimin e kufirit’, tha Thaçi në emisionin ‘Debat’ në RTK.
Ish-kryeministri tha se nuk do të pranojë asnjë marrëveshje me Serbinë nëse nuk do të marrë pëlqimin amerikan.
