Kryetari i Odës Ekonomike të Kosovës, Berat Rukiqi priti në takim Ambasadorin e Austrisë në Kosovë Gernot Pfandler, ku diskutuan për mundësitë e bashkëpunimit reciprok në mes të Kosovës dhe Austrisë përmes iniciativave konkrete.
“Gjatë këtij takimi u theksua se është shumë e rëndësishme të rritet prezenca e bizneseve austriake në Kosovë, të nxiten investimet e huaja direkte por edhe të promovohet eksporti dhe ndërkombëtarizimi i bizneseve kosovare”, thuhet në njoftimin e Odës Ekonomike.
Në këtë takim u diskutua edhe për rëndësinë e arsimit profesional dhe harmonizimin e nevojave të tregut të punës me sistemin edukativ.
