(E plotësuar) - Presidenti i Kosovës, Hashim Thaçi, sot e ka dekoruar shkrimtaren e njohur Elena Kadare me Medaljen Presidenciale të Meritave.
Thaçi ka thënë se në kujtimet dhe publicistiken e shkrimtares Elena Kadare, vend të veçantë zë edhe dashuria ndaj Kosovës.
“E dekorova shkrimtaren e njohur Elena Kadare për kontributin e saj autentik në pasurimin e letërsisë shqipe. Tek Elena Kadare, në kujtimet dhe publicistiken e saj, vend të veçantë zë edhe dashuria ndaj Kosovës”, u shpreh presidenti Thaçi.
Ndërsa, shkrimtarja Elena Kadare e ka falënderuar presidentin Thaçi për dekoratën e ndarë dhe ka evokuar kujtime nga vizitat e saj të mëhershme.
“Sa herë që vij në Kosovë, vërej përparim dhe i gëzohem çdo të arriture të Kosovës”, ka thënë shkrimtarja Kadare.
Presidenti Thaçi ka theksuar se fryma oksidentale e familjes Kadare është një vlerë e veçantë e kulturës sonë.
***
Presidenti Hashim Thaçi ka dekoruar me medaljen Presidenciale të Meritave shkrimtaren Helena Kadare për kontributin e dhënë për letërsinë shqipe.
Kadare gjatë ditës pritet të nderohet edhe me Hartën e Artë të Kosovës nga kryeministri Ramush Haradinaj.
Helena Kadare gjithashtu e njohur edhe si Elena Kadare ose Elena Gushi-Kadare, lindi në vitin 1943 në Elbasan. Është një ndër të paktat shkrimtare romanciere shqiptare, në vitet e regjimit komunist.
Helena eshte bashkëshortja e shkrimtarit të famshëm shqiptar, Ismail Kadare.
***
Presidenti i Kosovës, Hashim Thaçi po pret në takim shkrimtaren Helena Kadare, të cilen do ta dekorojë.
