Anëtari i partisë Fjala, Avni Çakmaku, ka folur për komunitetin LGBTI, dhe "Paradën e krenarisë", të mbajtur sot në kryeqytetin kosovar, nga ky grup.
Çakmaku ka thënë në emisionin “Pressing”, në televizionin T7, se ai vetë, dhe partia që përfaqëson, janë kundër paradave, si ajo që u mbajt sot në Prishtinë.
Sipas tij, parada e komunitetit LGBTI, e zhvilluar sot, ishte “provokim”.
Ai madje ka vlerësuar se parada e LGBTI nuk duhet të quhet "e krenarisë", sepse ky është term vlerësues dhe, sipas tij, nuk mund të aplikohet për këtë paradë.
Çakmaku, ish-kandidat për kryetar të Prishtinës, ka thënë se homoseksualizmi “cenon familjen”.