Ish gazetari gjatë kohës së luftës, Rexhep Shahu ka shtruar një pyetje se “Kush gënjen, Hashim Thaçi apo David L. Phillips?”.
Kësaj pyetje ai ua ka përcjellur edhe deklaratat e ekspertit amerikan të politikës së jashtme, David L. Phillips, i cili haptas thekson se SHBA është kundër idesë së Thaçit.
Postimi i plotë:
Kush gënjen, Hashim Thaçi apo David L. Phillips?
Eksperti amerikan i politikës së jashtme, David L. Phillips, ish keshilltar i Hashim Thacit, në një intervistë për “kallxo” thotë se Shtetet e Bashkuara të Amerikës nuk janë pajtuar për idenë e korrigjimit të kufijve të cilën Presidenti i Kosovës, Hashim Thaçi, është duke e avokuar tash e disa muaj nëpër Kosovë dhe jashtë saj.
Phillips, tha se presidenti Thaci “ai ose i ka keqkuptuar ata, (zyrtaret amerikane) ose po i keqinterpreton” (amerikanet).
David L. Phillips thote: “Po, jam i sigurt. Kam folur me zyrtarë amerikanë. Qeveria amerikane nuk e përkrah korrigjimin e kufirit, ajo përkrah gjetjen e një zgjidhje të përbashkët të cilën mund ta vlerësojë dhe ajo marrëveshje duhet të gjejë përkrahje nga qeveritë përkatëse dhe nga shoqëria civile”, ka thënë eksperti amerikan i politikës së jashtme.
