Gjatë ditës u raportua nga mediat serbe, kinse Guinea Bissau ka tërhequr njohjen e Kosovës, përcjell “Bota sot”.
E, lidhur me këto raportime ka reaguar fuqishëm ministri i Punëve të Jashtme, Behgjet Pacollli, duke thënë se derisa Serbia prodhon lajme të rreme, Kosova ka akredituar ambasadorin e vet në këtë shtet.
Me tej ai thotë se, "Daçiq dhe Vuçiq kënaqen me ”fake news” që i shkruajnë vet dhe pastaj i lexojnë ato".
Ja postimi i plotë i Pacollit:
Serbia prodhon lajme të rreme, ”fake news”, për tërheqjen e njohjes nga Guinea Bissau, ndërkohë që Republika e Kosovës ka të akredituar ambasadorin e vet fuqiplotë në këtë shtet.
Kjo është ajo që po e përsëris në vazhdimësi. Kosova po vazhdon të korrë suksese mbi bazën e fillimit dhe kultivimit të marrëdhënieve bilaterale me të gjitha shtetet anekënd botës, ndërkohë që Serbia, respektivisht Dacic dhe Vucic kënaqen me ”fake news” që i shkruajnë vet dhe pastaj i lexojnë ato, nëpër mediat që në mënyrë diktatoriale i kontrollojnë vet.
Të dëshpëruarit janë edhe qesharakë.
