Nënkryetari i Lidhjes Demokratike të Kosovës, Lutfi Haziri, ka folur për rastin e arrestimit të djalit të shefit të Agjencisë së Kosovës për Inteligjencë, Shpend Maxhuni.
Rinor Maxhuni ishte kapur ditë më parë nga Policia e Kosovës, me armë pa leje dhe me drogë.
I pyetur në nëse vlerëson se shefi i AKI’së duhet të japë dorëheqje pas këtij rasti, Haziri ka thënë se një gjë të tillë duhet ta vlerësojë vetë Maxhuni.
“Nëse i atribuohet përgjegjësia Shpendit, ai e vlerëson (si të veprojë)”, është shprehur Haziri.
“Duhet të zbardhet rasti fillimisht”, ka porositur nënkryetari i LDK-së.