BE kërkon gjithpërfshirje në transformimin e FSK-së - Bota Sot
BE kërkon gjithpërfshirje në transformimin e FSK-së

Aktuale

E shtunë, 17 nëntor 2018

BE kërkon gjithpërfshirje në transformimin e FSK-së

Më: 23 tetor 2018 Në ora: 12:12
Ilustrim

Zëdhënësja e Bashkimit Evropian, Maja Kocijanciç, i ka thënë Radios Evropa e Lirë se Bashkimi Evropian është i interesuar për një proces gjithpërfshirës në transformimin e Forcës së Sigurisë së Kosovës në ushtri.

"Bashkimi Evropian mbetet i përkushtuar për zhvillimin dhe prosperitetin e Kosovës si pjesë integruese e agjendës së Ballkanit Perëndimor. Bashkimi Evropian ka bërë gjithmonë thirrje për një proces gjithpërfshirës që çon drejt harmonizimit të legjislacionit në transformimin e Forcës së Sigurisë së Kosovës, në përputhje me Kushtetutën e Kosovës dhe duke llogaritur interesat dhe shqetësimet e të gjitha komuniteteve në Kosovë si dhe partnerëve relevantë, etnive, organizatave", tha Kocijanciç në një përgjigje me shkrim.

Ndërkohë, Kuvendi i Kosovës ka miratuar në parim tri projektligjet e propozuara nga qeveria për transformimin e Forcës së Sigurisë së Kosovës.

Përmes këtyre tri projektligjeve, po synohet që Forca e Sigurisë së Kosovës të transformohet në një forcë me kapacitete shtesë, përfshi edhe përgjegjësi të mbrojtjes, por pa prekur në emrin e saj.

Aleanca e NATO-s ka dhënë shenja se ka hequr dorë nga kërkesa këmbëngulëse që për çfarëdo ndryshimi të mandatit të Forcës së Sigurisë së Kosovës (FSK) janë të domosdoshme ndryshimet kushtetuese.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test