Kryetari i Lidhjes Demokratike të Kosovës, Isa Mustafa ka pritur në takim zëvendës ndihmës Sekretar i shtetit të SHBA-ve Matthew Palmer dhe Colleen Hyland e ngarkuar me punë në Ambasadën Amerikane.
Pjesë e takimit ishin edhe nënkryetarët, Agim Veliu, Lutfi Haziri dhe Kryetarin e Grupit Parlamentar, Avdullah Hoti.
Gjatë takimit, Mustafa së bashku me Palmer dhe Hyland kanë biseduar për zhvillimet aktuale politike në Kosovë, qëndrimet e LDK-së dhe për përkrahjen e shtetit amerikan për Kosovën.
“Kosova do t’ju jetë përherë mirënjohëse për kontributin tuaj të pazëvendësueshëm për popullin dhe shtetin e Kosovës”, ka thënë kryetari Mustafa.
Ndërsa, Palmer e ka falënderuarin kryetarin Mustafa për pritjen duke inkurajuar LDK-në të ketë rol konstruktiv në zhvillimin e vazhdueshëm të Kosovës.
Poashtu, ai ka theksuar përkrahjen e mëtejshme të SHBA-ve për Kosovën në të gjitha fushat.
