Qytetarët shqiptarë të Luginës së Preshevës kanë votuar për Këshillin Nacional Shqiptar, ku gjashtë shqiptarë nga parti të ndryshme pretendojnë të udhëheqin me këtë këshill.
Këshilli është një institucion i themeluar në vitin 2010, për t’i mbrojtur dhe avancuar të drejtat e shqiptarëve në fushën e arsimit, kulturës, informimit, përdorimit të simboleve kombëtare dhe përdorimit te shkrimit e gjuhës shqipe, dhe Kuvendi i Përgjithshëm i Këshillit përbëhet prej 15 anëtarëve.
Ndryshe, shqiptarët e Luginës janë ankuar shpeshherë për diskriminim, pasi Qeveria serbe detyron nxënësit të mësojnë me kurrikula të shtetit serb dhe libra të përkthyer dobët.