Sherifi: Kurdo që mbahen zgjedhjet NISMA me mbi 10 deputet

Aktuale

Sherifi: Kurdo që mbahen zgjedhjet NISMA me mbi 10 deputet

Më: 6 nëntor 2018 Në ora: 23:29
Bilall Sherifi

Shefi i Grupit Parlamentar njëherit Sekretar i Përgjithshëm i NISMA Socialdemokrate gjatë një interviste ka folur për NISMA’n, Qeverinë, Liberalizimin e vizave dhe dialogun Kosovë-Serbi.

Për dialogun Kosovë-Serbi, Sherifi tha se gjitha partitë politike duhet të ulen dhe të krijojnë një platformë të përbashkët sepse aq sa kanë përgjegjësi pozita kanë përgjegjësi edhe opozita. Vetëm të bashkuar mund të jemi të fort në diplomacin e jashtme, tha ndër tjerash Sherifi.

I pyetur për zgjedhjet e ardhshme, ai ka thënë se kurdo që mbahen zgjedhjet NISMA Socialdemokrate është e gatshëm të garoj e vetme, por edhe të bashkëpunoj me partitë tjera.

“Ne nuk i friksohemi zgjedhjeve , jemi të gatshëm të shkojmë në zgjedhje vet, jemi të bindur se kurdo që mbahen zgjedhjet NISMA do të arrij të ketë mbi dhjetë deputet, edhe moto për zgjedhjet e ardhshme do të jetë 10+” ka thënë Sherifi.

E, kur është pyetur rreth punës së Qeverisë, Sherifi tha Qeveria për një vit nuk mund të matet ,pasi që një Qeveri mund të matet pas përfundimit të mandatit.
“Qeveria po i sherben popullit, derisa qeveria i sherben popullit duhet të vazhdoj, kur populli i sherben qeverisë atëherë duhet t’i kthehet sovranit pra popullit”, theksoi Sherifi.

Gjithashtu ai u pyet edhe për mundësin e rrëzimit të Qeverisë ku tha se partia e tij është e gatshme për zgjedhje por aktualisht nuk është koha për zgjedhje.

“Nese nesër do të ketë zgjedhje ne jemi ketu. Një thënje është se duhet të jesh gati edhe sikur neser do të ketë luftë por duhet të punojmë edhe sikur nuk do të ketë edhe 100 vjet, në kuptimin metaforik sepse edhe zgjedhjet elektorale janë një lloj luftë. Pra ne do të punojmë sikur mandati do të shkoj deri në fund por edhe duhet të jemi gati sikur nesër do të ketë zgjedhje”, deklaroi Sherifi.

Sherifi foli edhe për Liberazimin e vizave ku tha se nëse nuk caktohet brenda këtij viti një datë për Liberalizimin e vizave, kjo çështje mbetet vetëm çështje politike dhe nuk varet nga Kosova, sepse tashmë janë plotësuar gjitha kushtet e përcaktuara nga BE për Kosovën.

commentFirst article
Sot mund të lexoni Shfletoni kopertinat