Prokurorja e Prokurorisë Speciale të Republikës së Kosovës, Drita Hajdari tha se ish-kolegu i saj, Elez Blakaj, gjatë kohës që punonin bashkë kishte presione dhe se ishte i frikësuar.
Ajo në emisionin ‘Jeta në Kosovë’ tha se ish-prokurori Blakaj shqetësohej vazhdimisht për fëmijët e tij.
“Ai ka qenë jashtëzakonisht i brengosur dhe i shqetësuar për shkak të fëmijëve. Disa herë më ka thënë: unë nuk kam frikë për veten time, mirëpo kur janë në pyetje fëmijët kam frikë. Edhe e di që policët ia kanë dërgu fëmijët në çerdhe, policët ia kanë kthy. Kjo ndikon edhe në psikologjinë e fëmijëve kur polici e dërgon në çerdhe”, tha Hajdari.
