Kryeministri Haradinaj me një delegacion ka qenë sot për ngushëllime te familja Shala nga Poneshi i Gjilanit, ku nga kjo familje humbën jetën disa anëtar në aksidentin e mbrëmshëm në magjistralen Prishtinë-Gjilan.
Haradinaj njoftoi se Qeveria e vendit, edhe përmes ndihmës financiare, do t’u qëndrojë afër në këtë humbje të madhe.
“Familjes Shala nga Poneshi i Gjilanit, e cila nga aksidenti i djeshëm humbi katër familjarë, i shpreha ngushëllimet më të thella, në emër të Qeverisë dhe tërë popullit të Kosovës. Qeveria e vendit, edhe përmes ndihmës financiare, do t’u qëndrojë afër në këtë humbje të madhe”, ka shkruar Haradinaj, përcjell “Bota sot”.