Kryetari i Lëvizjes Vetëvendosje, Albin Kurti në një intervistë për media serbe ka deklaruar para tyre se Kosova nuk po mundet ta kontrollojë Mitrovicën veriore, por se atë po e kontrollojnë struktura paralele të Serbisë.
“Veriu i Kosovës është shndërruar në mishërim të paligjësisë. Ajo pjesë nuk është nën kontrollin e pushtetit të Kosovës, por atje qeverisin strukturat paralele, të cilat janë nën kontrollin e Serbisë”, ka thënë Kurti, përcjell "Bota sot".
Para medias serbe, Kurti i ka quajtur kriminel dhe banditë Veselinoviqin dhe Radojiçiqin, të cilët janë nën urdhrat e qeverisë serbe, për t’i ndëshkuar serbët e padëgjueshëm lokal në Mitrovicë.
"Në veri veprojnë kriminelët sikur bandat e Veselinoviqit dhe Radojçiqit, nëpërmjet të cilëve pushteti serb ndëshkon çdo padëgjueshmëri të serbëve lokalë, derisa pushteti kosovar negocion me ta për potezat e Listës Serbe, e cila është në koalicionin qeverisës në Kosovë", është shprehur Kurti, transmeton "Bota sot".