Deputeti nga radhët e LDK-së, Lumir Abdixhiku ka reaguar pas dështimit të Kosovës për tu pranuar në Interpol.
Përmes një postimi në llogarinë e tij në Facebook, ai ka thënë se ky dështim është një hap prapa për Kosovën dhe sërish asnjë përgjegjësi, përcjell Bota sot.
“Me diplomaci të korridoreve, me ekipe tallava, e me kontestim vullnetar të shtetësisë sonë s’ka se si të përfundojë ndryshe”, ka shkruar ai.
Postimi i tij i plotë:
Pa Interpol.
Pa liberalizim.
Pa rrjet energjetik.
Një tjetër ditë një tjetër dështim; një tjetër hap prapa për Republikën. Sërish asnjë përgjegjësi. Me diplomaci të koridoreve, me ekipe tallava, e me kontestim vullnetar të shtetësisë sonë s’ka se si të përfundojë ndryshe. Të paditurit e sollën Kosovën në pikën më të ulët të saj që nga shpallja e pavarësisë.
