Ministri i Arsimit Shyqiri Bytyqi ka marr vendim që studentët të cilët kanë përfunduar studimet e ciklit bachelor (themelor) në Fakultetin e Shkencave Matematiko Natyrore, Departamenti i Biologjisë, drejtimi “Biologji aplikative” dhe “Biokimiko – Fiziologjik”, t’ua mundësojë që të ndjekin edhe një modul në lëndët klinike, në mënyrë që pas mbarimit të modulit në fjalë të marrin titullin “Laborant i lartë mjekësor”.
“Ky vendim është shumë i rëndësishëm për faktin se pas mbarimit të këtij moduli, studentët në fjalë kanë të drejtë t’u nënshtrohen procedurave të licencimit në Ministrinë e Shëndetësisë, e që pas shumë viteve në pritje, do t’u hapë rrugë atyre për një vend pune në profesionin e tyre”, ka shkruar Bytyqi në Facebook.
Sipas tij Ministria e Arsimit, Shkencës dhe Teknologjisë do të mbulojë 50 përqind të tarifës së shpenzimeve për realizimin e këtij moduli.
