Miliona amerikanë janë të varur nga droga ose alkooli, dhe miliona të tjerë luftojnë me një anëtar të familjes ose mik të varur.
Në një anketim, 19% thonë se ata vetë kanë qenë të varur nga droga ose alkooli, kanë pasur mbidozë droge ose kanë qenë të pastrehë për shkak të një varësie.
“Është shumë befasuese të mendosh kur flasim për varësinë dhe çështjet me drogën dhe alkoolin, ne zakonisht flasim për to si incidente të izoluara”, tha Ashley Kirzinger, drejtore e metodologjisë së anketimit në KFF (i njohur më parë si Fondacioni Kaiser Family), raporton Upi.
“Unë mendoj se ajo që ne po shohim në këtë është se nuk është e izoluar”, tha ajo. “Kjo po ndikon pothuajse në shumicën e familjeve amerikane dhe kur pyesim për ndikimin që ka pasur mbi to, një pjesë e madhe thonë se çështjet e varësisë kanë pasur ndikim në shëndetin e tyre mendor dhe situatën financiare të familjes së tyre. Është shumë befasuese të mendosh se sa i përhapur si problem është në ShBA”.
Ajo shtoi se varësia po prek të gjithë, pavarësisht se ku jetojnë, pavarësisht nga të ardhurat e tyre familjare. “Nuk ka një person tipik me probleme varësie. Duket sikur po prek familjet pavarësisht nga raca dhe përkatësia e tyre etnike, pavarësisht nga të ardhurat e tyre dhe pavarësisht se ku jetojnë”, tha Kirzinger.
Varësia është parë në 42% të njerëzve në zonat rurale dhe 33% të të rriturve të bardhë, shtoi ajo. Megjithatë, shumë njerëz nuk po marrin ndihmë.
Vetëm 46% e atyre me varësi në familjet e tyre thonë se ai person ka marrë trajtim. Midis të rriturve të bardhë, 51% morën trajtim, krahasuar me vetëm 35% të të rriturve zezakë dhe hispanikë.
