Rrugëve për Krishtlindje, karvani masiv me emigrantë niset nga Meksika për në SHBA
Karvani më i madh i emigrantëve në 18 muaj është nisur në vigjilje të Krishtlindjeve nga Meksika në SHBA.
Rreth 10 mijë njerëz të udhëhequr nga aktivisti meksikan Luis Rey Garcia Villagran u larguan nga kufiri jugor i Meksikës nga qyteti i Tapachula-s për një marsh të gjatë drejt veriut.
Presidenti Joe Biden e tërhoqi të mërkurën Sekretarin e Shtetit, Anthony Blinken larg krizës në Lindjen e Mesme, për t’u takuar me presidentin e Meksikës Andrés Manuel López Obrador. Lajmi vjen në një kohë kur autoritetet në vend numëruan mbi 242 mijë kalime të emigrantëve vetëm gjatë nëntorit.
Të hënën, u regjistrua një rekord njëditor prej 12, 600 hyrjesh ndërsa shumë të tjerë rrezikuan jetën duke kaluar nga Rio Grande në errësirën e natës.
“Me jemi të varfrit e të varfërve…ata të cilët nuk kanë para të paguajnë për viza apo për të paguar trafikantë”, u shpreh një prej tyre për mediat.
Biden foli me homologun e tij meksikan të enjten, përpara samitit për të diskutuar mënyrat se si mund të menaxhohet “rrymat e paprecedente të emigrimit në hemisferën perëndimore.”
Doganat dhe Mbrojtja Kufitare e SHBA-së u detyrua që të pezullonte trafikun hekurudhor ndërkufitar në qytetet e Teksasit, Eagle Pass dhe El Paso, pasi emigrantët po hipnin mbi trenat e mallrave.
Alban Veseli i jep fund karrierës së bujshme prej dy dekadave, me 10 tituj kampioni të fituar
