Hillary Clinton kthehet të kryesojë në sondazhe. Kandidatja demokrate, sipas raportimeve të fundit të rrjetit televiziv amerikan Nbc, është në epërsi të 6 pikëve ndaj Donald Trump me 47% të parapëlqimeve.
Edhe sondazhi i fundit i kryer nga televizioni CNN, e shikon Clinton-in në rekuperim të fortë me 5 pikë epërsi ndaj miliarderit republikan, i cili deri tani ndodhet në kuotën e 42%.
Ndërkohë, i intervistuar nga CNN, zëvendëspresidenti i SHBA-ve Jor Biden, jep mendimin e tij për dy kandidatët për Shtëpinë e Bardhë.
”Po punoj shumë për Hillary-n. Sa herë që shpreh një emocion, ajo përfshihet edhe vetë. Por unë e njoh, e di që punon m zemër”.
Ndërsa për Trump, ai thotë: “Kandidati republikan nuk është një njeri i keq, por injoranca e tij është e thellë. Nuk është në kontakt me realitetin”.
