Fitorja e Donald Trampit në zgjedhjet presidenciale në SHBA, ka sjellë reaksion në shtetet të cilat konsiderohen si bastione tradicionale të demokratëve.
Banorët e Kalifornias, shteti që dërgon më shumë delegatë në Uashington, kanë filluar në media sociale një fushatë për shkëputjen e tyre nga SHBA-ja. Fushata ka nisur përmes rrjetit social “Twitter” përmes etiketave të tilla si “#CalExit”, çka nënkupton dëshirën e banorëve për t’u shkëputur nga SHBA.
Qytetarët në fjalë theksojnë se mund t’ia dalin të vetëm pasi ekonomia e shtetit të tyre është e gjashta më e madhe në botë.
