Donald Trump derisa ende nuk ishte zgjedhur President i Shteteve të Bashkuara të Amerikës, kishte premtuar se po të bëhet ai i pari i SHBA-ve me siguri se “do ta burgos” Hillary Clinton.
Por a do ta mbajë ai këtë premtim?
Në intervistën e tij të parë pas zgjedhjes President për “60 Minutes” i pyetur rreth kësaj çështje ai ka shmangur një përgjigje direkte rreth këtij premtimi.
Ai deklaroi se nuk do t’u bëjë keq Clintonëve dhe i ka quajtur “njerëz të mirë”.
Trump pohoi se ai do të fokusohet fillimisht në sistemin shëndetësor dhe në çështjen e emigrantëve në vend se të merret me ish-kundërshtaren e tij – përkundër se ka pasur plotë njerëz që kanë kërkuar nga ia që Hillary Clinton-in “ta burgos”.
I sapozgjedhuri refuzoi të thotë nëse do të përmbushë këtë premtim, por tha se do të japë një përgjigje shumë shumë të mirë dhe definitive në intervistën tjetër për “60 Minutes”.
