Presidenti i zgjedhur i Shteteve të Bashkuara, Donald Trump sot dënoi ata që kundërshtojnë marrëdhënie të mira me Rusinë, duke i quajtur "njerëz të trashë".
"Marrëdhëniet e mira me Rusinë janë të mira, nuk është një gjë e keqe. Vetëm njerëzit e trashë ose budallenj, mendoj se kjo është e keqe," shkroi Trump në Twitter.
Ndryshe, dje shërbimet inteligjente amerikane, përmes një raporti, kanë vlerësuar se presidenti i Rusisë, Vladimir Putin, kishte urdhëruar ndërhyrjen në zgjedhjet presidenciale amerikane, për ta dëmtuare demokraten Hillary Clinton dhe favorizuar republikanin Donald Trump.
