Trump: Urdhëri qesharak i gjykatësit në Seattle do të hidhet poshtë

Amerika

Trump: Urdhëri qesharak i gjykatësit në Seattle do të hidhet poshtë

Më: 4 shkurt 2017 Në ora: 16:44
Presidenti amerikan, Donald Trump

Presidenti amerikan, Donald Trump ka postuar një mesazh të ashpër në Twitter pasi një gjykatës në Seattle e ka bllokuar përkohësisht implementimin e urdhërit të tij ekzekutiv që ndalonte të gjithë refugjatët dhe vizitorët nga shtatë shtete me popullatë kryesisht myslimane, për të hyrë në SHBA.

Trump, më 4 shkurt, iu ka referuar gjykatësit, James Robart, si “i ashtuquajturi gjykatës” ndërsa vendimin e tij e ka quajtur si “qesharak”.

"Vendimi do të hidhet poshtë, ka shkruar Trump.

Presidenti ka shkruar gjithashtu se “disa vende të Lindjes së Mesme pajtohen me ndalimin” e tij.

“Ata e dijnë se nëse njerëz të caktuar lejohen brenda, atëherë kjo nënkupton vdekje dhe shkatërrim”, ka thënë ai.

Gjyaktësi federal, James Robart, që në atë pozitë ishte emëruar nga ish presidenti George W. Bush, ka vendosur mbrëmjen e 3 shkurtit se urdhëri ekzekutiv nuk mund të zbatohet.

Sot mund të lexoni Shfletoni kopertinat