Presidenti i SHBA-ve, Donald Trump tha të shtunën se përpjekja e Koresë së Veriut për lëshimin të raketës “nuk i respektoi dëshirat e Kinës”.
“Koreja e Veriut nuk i respektoi dëshirat e Kinës dhe të presidentit të saj shumë të respektuar kur lëshuan raketën, megjithëse pa sukses”, shkruan Trump në llogarinë e tij në Twitter.
Agjencia koreano-jugore e lajmeve Yonhap njoftoi lëshimin e “një raketë të paidentifikuar nga një zonë në veri të Phenianit”.
SHBA-ja konfirmoi lëshimin e kësaj rakete që nuk paraqet “asnjë veçanti”.
Kjo mund të shtojë tensionet mes Koresë së Veriut dhe SHBA-së pas disa javë kërcënimesh.
Sipas agjencisë, bëhet fjalë për një test të dështuar pasi raketa shpërtheu vetëm disa sekonda pas lëshimit.