Politika amerikane dhe hakerat rusë - Bota Sot
Politika amerikane dhe hakerat rusë

Amerika

E enjte, 18 tetor 2018

Politika amerikane dhe hakerat rusë

Më: 13 janar 2018 Në ora: 15:31
SHBA

Një firmë amerikane e sigurisë thotë se hakerat rusë që vodhën email-a nga Komiteti Kombëtar Demokrat gjatë zgjedhjeve presidenciale të vitit 2016 kanë tentuar të vjedhin informacione edhe nga Senati amerikan.

Një raport i ri nga firma e sigurimit Trend Micro, postuar në faqen e tyre të internetit të premten, thotë se hakerat krijuan faqe interneti në qershor që të duken si rrjeti i brendshëm i kompjuterave të Senatit, në një përpjekje për t’i mashtruar njerëzit të jepnin informata për të hyrë në rrjet.

Firma tha se grupi i hakerëve rusë, i njohur si Fancy Bear, është politikisht i motivuar dhe ende shumë aktiv.

Firma nuk thotë nëse operacioni që synonte të vidhte informacion në Senat kishte patur sukses. Kompania tha se ka dhënë informacion në lidhje me aktivitetet e hakerëve në Senat.

Trendi Micro tha se grupi i hakerëve "ka sulmuar organizatat politike në Francë, Gjermani, Mal të Zi, Turqi, Ukrainë dhe Shtetet e Bashkuara që nga viti 2015. Ne pamë sulme kundër organizatave politike përsëri në gjysmën e dytë të vitit 2017", thotë kompania.

"Këto sulme nuk kanë treguar shumë risi teknike me kalimin e kohës, por ato janë të përgatitur mirë, dhe shpesh vështirë për t'u mbrojtur".

Agjencitë amerikane të zbulimit thanë se hakerat e Fancy Bear vodhën emaila nga DNC gjatë zgjedhjeve presidenciale të vitit 2016, të cilat më pas iu ofruan WikiLeaks dhe u botuan./voa

Sot mund të lexoni Shfletoni kopertinat
Sondazh
test