Në një shtëpi në Kaliforni gjenden 13 fëmijë të prangosur - Bota Sot
Në një shtëpi në Kaliforni gjenden 13 fëmijë të prangosur

Amerika

E hënë, 24 shtator 2018

Në një shtëpi në Kaliforni gjenden 13 fëmijë të prangosur

Më: 16 janar 2018 Në ora: 07:50
Ilustrim

Dy prindër janë arrestuar në Kaliforni, pasi policia ka gjetur 13 persona që dyshohet se janë mbajtur robër në shtëpinë e tyre.

David Allen Turpin, 57 vjeç, dhe Louise Anna Turpin, 49 vjeçe, janë dërguar në mbajtje nën akuzat për torturë dhe rrezikim të fëmijëve.

Trembëdhjetë njerëzit – të moshës midis dy dhe 29 vjeç – janë gjetur në një shtëpi në Perris, 95 kilometra në juglindje të Llos Angjellesit, tha policia.

Të gjithë ata besohet se janë vëllezër dhe motra.

Zyrtarët janë alarmuar nga njëra prej viktimave, e cila ka arritur të ikë dhe të thërrasë numrin e urgjencës “nga një telefon që ka gjetur brenda shtëpisë”, tha policia.

Po sipas saj, oficerët më pas “kanë gjetur disa fëmijë të lidhur në shtretërit e tyre me zinxhirë, në një mjedis të errët dhe me erë të keqe”.

Prindërit nuk kanë qenë në gjendje të japin menjëherë arsye logjike përse fëmijët e tyre janë mbajtur në atë mënyrë, tha policia.

Komentet
comments powered by Disqus
Sot mund të lexoni Shfletoni kopertinat
Sondazh
test