Incidenti me avionin, dritarja e të cilit e përpiu një pasagjere ka bërë që të kontrollohen 220 avionë të tjerë në Shtetet e Bashkuara të Amerikës.
Pas ngjarjes tmerruese të avionit të Southwest Airlines, administrata amerikane e aviacionit federal FAA ka urdhëruar kontrollin e motorëve të 220 avionëve si masë paraprake. Udhëzimet e saj parashikojnë inspektimin ultrasonik brenda 6 muajsh të helikës së mjeteve që kanë kryer një numër të caktuar fluturimesh.
Vënia në lëvizje e zyrtareve amerikane vjen pas vdekjes së një gruaje të martën, të cilën pasi presioni i ajrit gati e nxori jashtë kabine gjatë fluturimit nga New York në Dallas.
Dritarja pranë së cilës ajo ishte ulur, u godit e u thërrmua nga helika e shkëputur e motorit të Boiung-ut 737 me 149 persona në bord. Mjekët thonë se Jennifer Riordan, zëvendësdrejtoreshë e një banke, ndërroi jetë prej traumave të rënda në pjesën e sipërme të trupit.
Në vendin ku helika është këputur, ekspertët zbuluan një dobësim të metalit. Tani mësohet se një incident i ngjashëm u regjistrua po me një fluturim të së njëjtës kompani në 2016-tën, por avioni përfshirë asokohe arriti të ulej pa probleme në Florida.
Motori i tipi CFM56-7B përdoret nga më shumë se 8,000 Boeing 737 në mbarë botën. Vitin e kaluar, FAA doli në përfundimin se dhjetëra motorë të tillë kishin nevojë për testime pas kryerjes se një numri të caktuar fluturimesh.
Inspektime kanë nisur edhe linja të tjera ajrore që përdorin avionë me këtë lloj motori, ndër të cilat United Airlines, American Airlines dhe Delta Air Lines.
