Presidenti i SHBA-ve dhe Kinës, Donald Trump dhe Xi Jinping, gjatë një bisede telefonike, sot kanë rënë dakord se është e rëndësishme të vazhdohet me sanksionet ndaj Koresë së Veriut.
Sanksionet mbesin në fuqi për programin e saj bërthamor dhe raketor, deri sa vendi komunist nuk heq këtë program përgjithmonë, njoftoi Shtëpia e Bardhë.
Në njoftim gjithashtu thuhet se Trump ka konfirmuar angazhimin e tij për të siguruar që tregtia dhe investimet amerikane me Kinën të jenë të balancuara dhe që kompanitë amerikane dhe punëtorët të përfitojnë prej saj.