Trump: Bëra mirë kur shkarkova drejtorin e FBI-së

Amerika

Trump: Bëra mirë kur shkarkova drejtorin e FBI-së

Më: 15 qershor 2018 Në ora: 17:24
Donald Trump

Presidenti amerikan, Donald Trump ka thënë të premten se ai ka bërë “shërbim të mirë” kur ka shkarkuar James Comey nga pozita e drejtorit të FBI-së.
Deklaratat e Trumpit kanë ardhur pas raportit të Inspektorit të Përgjithshëm, Michael Horowitz, lidhur me hetimet e FBI-së për emailet e kandidates demokrate në zgjedhjet e fundit presidenciale, Hillary Clinton.

Horowitz ka deklaruar në raportin 500 faqe se Comey ka bërë “gabime serioze në gjykim” kur ka njoftuar se do të rifillojë hetimet ndaj Clinton para mbajtjes së zgjedhjeve presidenciale.

Derisa raporti është cilësuar i turpshëm për FBI-në, i njëjti është konsideruar edhe si ndihmesë në përpjekjet e Trumpit për të diskredituar këtë agjenci në hetimet për Rusinë.

“Raporti i Inspektorit të Përgjithshëm, është katastrofë totale për Comeyn, përcjellësit e tij dhe fatkeqësisht për FBI-në”, ka thënë Trump përmes një postimi në Twitter.

“Unë kam bërë punë të mirë që kam shkarkuar atë”, është shprehur presidenti amerikan.

commentFirst article
Sot mund të lexoni Shfletoni kopertinat