Tragjedia kaplon familjen shqiptare në Kanada! Vdes në aksident kryefamiljari dhe djali, gruaja dhe vajza rëndë - Bota Sot
Tragjedia kaplon familjen shqiptare në Kanada! Vdes në aksident kryefamiljari dhe djali, gruaja dhe vajza rëndë

Amerika

E enjte, 18 tetor 2018

Tragjedia kaplon familjen shqiptare në Kanada! Vdes në aksident kryefamiljari dhe djali, gruaja dhe vajza rëndë

Më: 23 gusht 2018 Në ora: 21:09
Familja Metko - Kanada

Një aksident tragjik i ndodhur të dielën e 19 gushtit në Ontario të Kanadasë i ka marrë jetën një burri shqiptar, të birit 14 vjeç dhe ka lënë të plagosur rëndë gruan e familjes dhe fëmijën tjetër të çifit: një vajzë 10 vjeçe.

Aksidenti

Sipas mediave kanadeze: Familja shqiptare Metko, ka qenë duke bërë udhëtimin e fundjavës i cili ka rezultuar fatal për ta. Nga një përplasje me një dre, makina ka humbur kontrollin duke u përplasur me një tjetër automjet. Ndërkohë që kryefamiljari dhe djali i tij 14 vjeçar humbën jetën, gruaja dhe vajza e tij mbeten në gjendje kritike.

Policia konfirmoi se të dielën në ora 10:19, ajo iu përgjigj një përplasjeje në autostradën 17, rreth 15 kilometra në jug të Wawa në Lendrum Township.

Një automjet i drejtuar kah jugu kishte goditur një dre, pastaj kaloi në korsinë veriore, duke u përplasur me një makinë tjetër.

Policia Provinciale e Ontarios, i shpalli të vdekur Fatos Metko, 45 vjec dhe djalin e tij 14-vjecar (F. Metko) ndërkohë që dy anëtarët e tjerë të familjes u dërguan në spital me lëndime të rënda.

Bilanci i aksidentit është rritur duke patur viktima edhe nga automjeti tjetër i përplasur. Nënë e bijë, 51-vjeçarja C. Caraoa dhe e nëntëvjeçare A. Karaoja kanë gjetur vdekjen e menjëhershme dhe tre të tjerë janë në spital me lëndime të rënda.

Ndërkohë që i gjithë aksidenti mbetet nën hetim.

Image

Shqiptari Fatos Metko ishte shef kuzhine në Broken Plate. Ai kishte punuar në Broken Plate në Willow Park në Calgary që nga viti 2009.

Ervin Bushi, punëdhënësi i tij e përshkroi atë si “njeriun e tij të djathtë”, punëtor, të qetë dhe të sjellshëm. Sipas tij, familja shqiptare po udhëtonte drejt Ontarios për një vizitë familjare por, që përfundoi në tragjedi.

Ai tha se gruaja e tij, Maralba dhe vajza 10-vjeçare, Brianna, janë të dyja në gjendje kritike në spital.

Shoqata Shqiptare e Calgary-t po planifikon një përkujtim dhe mbledhje fondesh për familjen,- tha Bushi.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test