Atletët e kombëtares së Kosovës shënuan sukses të madh në Kampionatin e shteteve të Vogla të Evropës në atletikë, që u mbajt në Lihtenshtejn. Atleti Musa Hajdari dëshmoi klasin e tij, duke u stolis me medaljen e artë, sukses i jashtëzakonshëm i tij. “Musa Hajdari u stolis me medalje të artë në disiplinën 800 metra, me kohë të kaluar 1:49.26 minuta, ndërsa me medalje të bronztë fituan: Gresa Bakraqi (800 metra) me kohë 2:13.88 minuta dhe Astrit Kryeziu në 800 1:51.27, kurse Edis Ahmeti zuri vendin e shtatë në 100 metra, me kohë të kaluar 10.87 sekonda”, bëhet e ditur nga Federata Atletike e Kosovës.