Atleti nga klubi i atletikës Malisheva, Grevist Bytyqi përkundër mungesës së njërit krah po sfidon atletët e tjerë. Në garën e fundit të mbajtur nga Federata Atletike e Kosovës atleti në fjalë arriti të dalë i dyti në disiplinën 400 metra.
Ky djalosh ka një vullnet të jashtëzakonshëm në radhë të parë për jetën por edhe për arritjen e rezultateve në sportin e atletikës.
Grevisti është atlet potencial për gara ndërkombëtare për kategorinë e tij, por kjo po i pamundësohet sepse ende Komiteti paraolimpik i Kosovës nuk është pranuar në Komitetin Paraolimpik ndërkombëtar.