Testohet vetura me dy timonë

Auto

Testohet vetura me dy timonë

Më: 1 tetor 2017 Në ora: 16:27
Vetura me dy timonë

Natyrisht, ky është një model që përdoret si pjesë e testimit të gjerë të vozitjes autonome dhe timoni i dytë vjen për arsye të sigurisë.

Vetura me dy timonë quhet Toyota Platform 2.1 Test Mule. Në fakt, shumica e shteteve të SHBA-së sipas ligjeve të tyre lejojnë testimin e veturave vetëlëvizëse në kushtet reale, por me kusht që një person të ketë mundësinë që në çdo moment të marrë nën kontroll veturën gjatë testimeve.

Inxhinierët nga instituti i kërkimit të Toyotës (Toyota Research Institute – TRI) besojnë se ka dy lloje të veturave vetëlëvizëse: shofer (vozitës) dhe ndihmës shofer.

I pari ende nuk është i gatshëm për përdorim në publik sepse është një veturë vetëlëvizëse në nivel të 5-të, e cila shoferit i mundëson të pushojë, të flejë, të lexojë gazetën, etj. Ndërsa te i dyti, shoferi kontrollon elektronikën dhe është i gatshëm të marrë kontrollin e veturës në çdo moment.

Sot mund të lexoni Shfletoni kopertinat