Ford pritet të shuajë modelin Mondeo, për të qëndruar vetëm në tregun e Kinës.
Të njëjtën gjë kompania e kishte bërë edhe me modelin tjetër Tauris, i cili mbijetoi vetëm në Kinë, ndërsa shkas i gjithë këtij vendimi është rënia e interesimit për klasën sedan.
Gjatë dhjetorit të vitit të kaluar ishte spekuluar, se Ford po planifikonte të zhvendosë prodhimin e modelit Fusion në Kinë, gjë të cilën kompania nuk e pohoi, as nuk e mohoi, por njëkohësisht njoftoi se nuk ka plane që automjetet e prodhuara në Kinë të arrijnë në sallonet amerikane.
Por e ardhmja e Fusion / Mondeo duket se varet në një fije mëndafshi. Gazeta "Detroit News" pretendon se ka qenë në gjendje të shikojë një letër konfidenciale të dërguar nga Ford tek furnizuesit e saj për të njoftuar pezullimin e projektit.
Kompania nga Detroiti në tetor prezantoi strategjinë për të ardhmen, në të cilën fokus do të ketë prodhimi i SUV, kamionëve të vegjël dhe veturat elektrike.
Ford Mondeo/Fusion ekziston që nga viti 1992 dhe ishte krijuar të jetë automobil ndërkombëtar. Deri më tash janë prodhuar pesë gjenerata të këtij modeli, i fundit në vitin 2014.
Ndryshe, Ford gjatë vitit të kaluar ka shitur 17.500 njësi Fusion në muaj, por shënoi rënie prej rreth 22 për qind në krahasim me vitin 2016.