Gjiganti gjerman Volkswagen do të prezantojë në panairin e automobilave në Nju Jork konceptin e SUV Atlas me pesë ulëse.
Njësoj sikurse Atlas origjinal me shtatë ulëse, modeli i ri do të jetë i dizajnuar kryesisht për tregun amerikan, transmeton KosovaPress.
Atlas me pesë ulëse do të jetë i bazuar në platformën MQB dhe do të ketë motor 2.0 me katër cilindra, të cilët sigurojnë 240 kuaj fuqi.
VW nuk ka konfirmuar emrin e saktë të SUV-it të ri, por besohet se ai do të quhet Atlas Allsport ose Atlas Cross Sport.
Ndryshe, VW paralajmëroi se do të investojë rreth 340 milionë dollarë për daljen e këtij modeli në treg.