Gazetari i BBC, Malik Mudassir ka treguar se si është tani gjendja në Kabul.
Ai ka thënë se rrugët janë ende bosh, nuk ka shumë trafik, përcjell Bota sot.
Njerëzit janë të frikësuar dhe mendojnë se gjërat mund të shkojnë keq në çdo moment, kështu që ata po qëndrojnë në shtëpi.
Njerëzit po marrin furnizime nga disa dyqane ushqimore të cilat janë të hapura, por kryesisht tregjet e mëdha dhe qendrat tregtare janë të gjitha të mbyllura. Në dy ditët e fundit, çmimi i dollarit është rritur dhe për shkak se Afganistani është një ekonomi e bazuar në import, gjithçka është pak e shtrenjtë këto ditë.
Nuk ka asnjë kufizim për të dalë dhe për të folur me njerëzit, madje edhe për t’i filmuar ata - kjo është ajo që bëra dje. Po mendoja se nuk do të më lejohej të filmoja, të shikoja ose të flisja me njerëz, por nuk më ndaluan ose më pyetën se kush jam apo pse e bëj këtë.
Talibanët kanë marrë kontrollin e sigurisë së qytetit, madje edhe të trafikut. Ata janë kudo, ata janë në çdo shesh të vetëm dhe qëndrojnë atje për t'u siguruar që ata kanë marrë kontrollin.
Fola me ta dhe i pyeta pse janë këtu dhe cila është puna e tyre tani. Ata thanë se janë këtu për ta rregulluar qytetin dhe po kontrollojnë makinat, veçanërisht ato të kolegëve të tyre. I pyeta pse, dhe ata thanë se këto makina ishin përdorur nga zyrtarë qeveritarë më parë dhe mund të ketë grabitës që duan të u sjellin një emër të keq.
Askush nuk e di se çfarë do të ndodhë më pas./BS/
