Një lëshim i raketës nga Koreja e Veriut shkaktoi konfuzion në Japoninë veriore, ku u lëshua një urdhër evakuimi dhe më pas u tërhoq brenda 30 minutave.
Sipas mediave të huaja, sirenat u ndezën nëpër Hokkaido dhe banorëve iu tha të “evakuoheshin menjëherë” të enjten në mëngjes.
Autoritetet thanë se raketa nuk ra pranë ishullit dhe tërhoqi alarmin.
Tensionet janë rritur në rajon, pasi Koreja e Veriut ka lëshuar tashmë rreth 30 raketa këtë vit.
Raketa besohet të jetë me rreze të mesme ose më të gjatë, por detajet se çfarë arme u testua mëngjesin e së enjtes nuk janë bërë ende publike.
Sidoqoftë, Japonia, Koreja e Jugut dhe SHBA e kanë dënuar testin e fundit.
Kryeministri i Japonisë Fumio Kishida tha se qeveria e tij do të mbajë një takim të Këshillit të Sigurisë Kombëtare.
Ndërkohë, rojet bregdetare japoneze thanë se raketa kishte rënë në ujërat në lindje të Koresë së Veriut.
E ministri japonez i Mbrojtjes, Yasukazu Hamada, theksoi se nuk mund të konfirmonte nëse raketa fluturoi mbi zonën ekskluzive ekonomike të Japonisë.
Ky lansim i fundit erdhi disa ditë pasi udhëheqësi i Koresë së Veriut, Kim Jong Un, urdhëroi ushtrinë e tij të adoptonte një mënyrë “më praktike” në parandalimin e luftës, siç raportohet nga agjencia shtetërore e medias KCNA.
